ក្នុងអំឡុងពេលនៃការរាប់ចំនួនប្រជាជនក្នុងជំរឿននេះ មនុស្សគ្រប់គ្នាគប្បីមានការប្រុងប្រយ័ត្នអំពីការឆបោកដែលបង្កើតឡើងដើម្បីលួចយកព័ត៌មានផ្ទាល់ខ្លួនសំខាន់ៗរបស់បុគ្គលណាម្នាក់។ ទាំងនេះ គឺជាគន្លឹះសំខាន់ៗដើម្បីការពារការលួចព័ត៌មានអត្តសញ្ញាណពាក់ព័ន្ធនឹងការធ្វើជំរឿន
ដោយផ្ទាល់៖
មន្រ្តីជំរឿនផ្លូវការ (ហៅថាមន្រ្តីធ្វើជំរឿន) នឹងទៅជួបគ្រួសារដែលពុំបានបំពេញការស្ទង់មតិជំរឿនបានទាន់ពេលវេលាតែប៉ុណ្ណោះ (ឧសភា-កក្កដា 2020)។ ប្រសិនបើអ្នកណាម្នាក់គោះទ្វារផ្ទះរបស់អ្នកនៅមុនពេលនេះ និងអះអាងថាខ្លួនជាមន្រ្តីធ្វើជំរឿន ហាមទាក់ទងជាមួយពួកគេ។
ប្រសិនបើមន្រ្តីធ្វើជំរឿនទៅជួបអ្នកនោះមកពីក្រសួងជំរឿនប្រជាជន ដោយសារអ្នកពុំបានបំពេញការស្ទង់មតិរបស់អ្នក ពួកគេតម្រូវឲ្យ៖
- បង្ហាញស្លាកប័ណ្ណសម្គាល់ខ្លួនដោយមានបិទរូបថតរបស់ពួកគេ មានត្រាទឹករបស់ក្រសួងពាណិជ្ជកម្ម និងកាលបរិច្ឆេទផុតកំណត់។
- ផ្តល់នូវព័ត៌មានទំនាក់ទំនងរបស់អ្នកគ្រប់គ្រង និង/ឬលេខទូរសព្ទការិយាល័យក្នុងតំបន់ដើម្បីធ្វើការផ្ទៀងផ្ទាត់ ប្រសិនបើស្នើសុំ។
- ផ្តល់នូវលិខិតមួយច្បាប់ពីរដ្ឋមន្រ្តីក្រសួងជំរឿនប្រជាជននៅខាងលើក្បាលសន្លឹកឯកសាររបស់ក្រសួងជំរឿនប្រជាជន។ មន្រ្តីធ្វើជំរឿន ក៏អាចយកមកតាមខ្លួននូវកុំព្យូទ័រយួរដៃ និង/ឬកាតាបដែលមាននិមិត្តសញ្ញាក្រសួងជំរឿនប្រជាជនផងដែរ។
ប្រសិនបើអ្នកនៅតែពុំទាន់ច្បាស់ សូមទូរសព្ទទៅ ការិយាល័យជំរឿនក្នុងតំបន់នៃទីក្រុង Los Angeles តាមរយៈលេខ (818) 267-1700 ឬ (800) 992-3530 ដើម្បីធ្វើការផ្ទៀងផ្ទាត់ថាតើបុគ្គលរូបនោះគឺជាមន្រ្តីក្រសួងជំរឿនប្រជាជនពិតប្រាកដមែនឬទេ។ អ្នកអាចផ្ទៀងផ្ទាត់ ឈ្មោះរបស់បុគ្គលនោះនៅលើ គេហទំព័រស្វែងរកបុគ្គលិករបស់ក្រសួងជំរឿនប្រជាជន។
តាមប្រព័ន្ធអនឡាញ៖
សារបោកបញ្ឆោត គឺនៅពេលអ្នកលួចបន្លំចូលក្នុងគណនីណាម្នាក់ ក្លែងបន្លំជាអង្គភាពណាមួយដែលអ្នកទុកចិត្តដើម្បីទទួលបានព័ត៌មានឯកជនរបស់អ្នក (ឈ្មោះអ្នកប្រើប្រាស់ លេខកូដសម្ងាត់ និងលេខសន្តិសុខសង្គមជាដើម)។ ជាលើកទីមួយហើយដែលជំរឿនឆ្នាំ 2020 នេះ នឹងត្រូវធ្វើឡើងតាមប្រព័ន្ធអនឡាញ ហើយអ្នកបោកប្រាស់ នឹងព្យាយាមទាញផលចំណេញពីបញ្ហានេះ។ វាពិតជាមានសារៈសំខាន់ដែលអ្នកត្រូវដឹងថា ក្រសួងជំរឿនប្រជាជនរបស់សហរដ្ឋអាមេរិក នឹងមិនដែលផ្ញើអ៊ីម៉ែលណាមួយទៅអ្នកនោះទេ។
ប្រសិនបើអ្នកទទួលបានអ៊ីម៉ែលណាមួយ មិនត្រូវឆ្លើយតប ចុចលើតំណភ្ជាប់ណាមួយ ឬបើកឯកសារភ្ជាប់ណាមួយឡើយ។ បញ្ជូនអ៊ីម៉ែលនោះបន្តទៅក្រសួងជំរឿនប្រជាជនតាមរយៈ ois.fraud.reporting@census.gov និងលុបសារនេះចោល។ នៅពេលបំពេញកម្រងសំណួរ ត្រូវប្រាកដថា អ្នកចូលទៅកាន់គេហទំព័រធ្វើជំរឿនដែលត្រឹមត្រូវនិងមានសុវត្ថិភាព។
តាមប្រៃសណីយ៍៖
បន្ថែមលើការរាប់ចំនួនពលរដ្ឋដែលកំពុងរស់នៅក្នុងសហរដ្ឋអាមេរិកជារៀងរាល់ 10 ឆ្នាំម្តង ក្រសួងជំរឿនប្រជាជនរបស់សហរដ្ឋអាមេរិក ក៏ធ្វើការស្ទង់មតិរាប់រយផ្សេងទៀតជារៀងរាល់ឆ្នាំផងដែរ។ ប្រសិនបើអ្នកទទួលបានសំបុត្រប្រៃសណីយ៍ពីក្រសួងជំរឿនប្រជាជនរបស់សហរដ្ឋអាមេរិក អាសយដ្ឋានត្រូវផ្ញើត្រឡប់ទៅវិញគប្បីមកពី Jeffersonville, Indiana។ ប្រសិនបើអ្នកមិនច្បាស់អំពីសុពលភាពនៃលិខិតឬទម្រង់បែបបទណាមួយ សូមទូរសព្ទទៅ ការិយាល័យជំរឿនក្នុងមូលដ្ឋាននៃទីក្រុង Los Angeles តាមរយៈលេខ (818) 267-1700 ឬតាមរយៈទូរសព្ទឥតគិតថ្លៃលេខ 1-800-992-3530 ឬតាមអ៊ីម៉ែល Los.Angeles.Regional.Office@census.gov។
តាមទូរសព្ទ៖
ប្រសិនបើអ្នកទទួលបានការហៅទូរសព្ទ អ្នកគប្បីផ្ទៀងផ្ទាត់ថាតើ បុគ្គលដែលទូរសព្ទមកនោះ គឺជាមន្រ្តីធ្វើជំរឿនដែរឬអត់ ដោយធ្វើការសុំពិនិត្យមើលស្លាកប័ណ្ណសម្គាល់ខ្លួនរបស់ពួកគេ ដើម្បីឲ្យអ្នកអាចផ្ទៀងផ្ទាត់វានៅលើ គេហទំព័រស្វែងរកបុគ្គលិករបស់ក្រសួងជំរឿនប្រជាជន។